La version de votre navigateur est obsolète. Nous vous recommandons vivement d'actualiser votre navigateur vers la dernière version.

Alɣu

Afus deg ufus

Muntṛiyal, ass n 29 maggu 2018 — Ilul Useqqamu n Yeqbayliyen di Kanada, yersen d Congrès des Kabyles du Canada, di temlilit n wass n 13 maggu 2018 deg Yeɣrem n Iseqquma (Palais des Congrès) di Muntṛiyal. Imaswaren sbedden 25 iɛeggalen, gar-asen 7 tlawin, ara yilin d agraw n tedbelt. Aseqqamu-agi bɣan-t d imi d tisit (lemri) i temɣiwent n Yeqbayliyen di Kanada. Yewwi-d ad ibedd ɣer usdukel n Yeqbayliyen di Kanada akken ad tiǧhid temɣiwent, ad yettwassen, ad yizmir a d-ibin deg wennar asertan d tdamsa n Kanada. Seg wass-a d asawen, aseqqamu-agi d yiwet tuddsa ara yerren azal i “teqbaylit” d zzux yis, tasuta deffir tayeḍ.

Di temlilit n wass n 26 maggu 2018 di Muntṛiyal, qqnen iɛeggalen n wegraw n tedbelt n Useqqamu ad beddden ɣer way-en akk yeɛnan tamɣiwent n Yeqbayliyen di Kanada. Ggullen daɣen ad beddden ɣer tuɣdaḍt iɣef ten yessers Useqqamu. Ilmend n way-a, yessefk i iɛeggalen a d-ifriren akken a d-kken nnig udem tasertit n yal yiwen, a d-sseknen tamasit akk-en tt tessaram temɣiwent n Yeqbayliyen di Kanada.

Deg temɣiwent nsen, yessefk ɣef Yeqbayliyen di Kanada ad ilin d ineɣrimen akk-en iwata akken ad ṭṭfen amkan nsen di tmetti takanadit. Yessefk ad zḍen assaɣen akked tsuduwin n tɣiwant, d tid n temnaḍt, d tid n tmurt n Kanada. Yessefk, am tilawin, am yergazen n wegraw n tedbelt ad beddden akken ad tezḍ “teqbaylit” ger Yeqbayliyen, yernu ad sbedden tizegrin ger yedles n Yeqbayliyen d idelsan n iɣerfan imenza n Kanada d iɣerfan yessuddsen tafidṛalt takanadit d temɣiwan  yettekkin di tefsifust n tmurt-agi meqqren.

Aseqqamu n Yeqbayliyen di Kanada ad yili d amedya i iminigen iqbayliyen neɣ imaziɣen anida ma llan. S lmendad n iɛeggalen-agi meṛṛa, Aseqqamu n Yeqbayliyen di Kanada ad yefk udem n ugerrez n tmeddurt n iminigen iqbayliyen neɣ imaziɣen. Yessefk fell-aɣ a nemlet abrid i tsutiwin d-iteddun akken ad afent deg-s “taqbaylit” d umezruy n imenza nsen ara sen yilin d asirem d zzux akken ad tgerrez tmeddurt nsen anida bɣun ilin.

Agraw n tedbelt n Useqqamu n Yeqbayliyen di Kanada

Tansa taliktrunt : contact@congresdeskabylesducanada.com

Asmel : https://congresdeskabylesducanada.com